About Us

یہ وہ ادارہ ہے جس کے لیے والدِ گرامی سیدی حضور شمسُ العلماء حضرت علامہ الحاج الشاہ سید مفتی محمد نظام الدین حبیبی علیہ الرحمۃ والرضوان نے ۱۹۵۷ء میں اپنے حبیبِ خاص سے ایک ہزار مربع گز زمین خریدی، اور آپ کے استاذ و پیر و مرشد حضور سرکار مجاہدِ ملت علیہ الرحمۃ والرضوان نے اپنے دستِ مبارک سے اس کی بنیاد ڈالی اور اس کا نام جامعہ نظامیہ تجویز فرمایا، اور فرمایا کہ یہ یونیورسٹی ہے

الحمد لله : حضور سرکار مجاہدِ ملت اور سیدی حضور شمسُ العلماء علیہما الرحمۃ والرضوان کی دعاؤں اور روحانی فیضان سے جامعہ روز بروز ترقی کی راہ پر گامزن ہے۔ اس وقت جامعہ کی چالیس کمروں پر مشتمل چار منزلہ جاذبِ نظر فلک بوس عمارت دعوتِ نظارہ دے رہی ہے، جس کی ایک جھلک آپ کے سامنے ہے۔

جامعہ میں ماہر اور تجربہ کار اساتذۂ کرام تعلیم و تعلّم میں مصروف ہیں اور ملک کے مختلف گوشوں سے آئے ہوئے سیکڑوں غریب و نادارطلباء دینی علوم (عالمیت، حفظ اور قرأت) سے سرفراز ہو رہے ہیں، جن کے طعام و قیام کا انتظام آپ حضرات کے تعاون سے جامعہ کرتا ہے۔

نیز سیکڑوں طلبہ و طالبات ابتدائی درجہ (GK) سے آٹھویں درجہ تک دینی تعلیم کے ساتھ ساتھ عصری علوم سے بھی سیراب ہو رہے ہیں۔ اہلِ خیر حضرات سے گزارش ہے کہ جامعہ کے ہاسٹل میں رہنے والے بیرونی طلبہ کے کھانے پینے، بجلی، پانی، دری، جائے نماز، میز، کرسی، عمارت کی مرمت، رنگائی، پوتائی اور ملازمین کی تنخواہوں کی کفالت کے لیے زیادہ سے زیادہ تعاون فرما کر ثوابِ جاریہ (ہمیشہ باقی رہنے والا ثواب) کے مستحق ہوں، اور دینی علوم کے فروغ میں ہمارا ساتھ دے کر عنداللّٰہ ماجور ہوں۔
اللہ تبارک و تعالیٰ آپ کی کمائی میں خوب خوب برکتیں عطا فرمائے، آپ کے کاروبار میں بے پناہ ترقی عطا فرمائے، اور آپ کو اور آپ کے اہل و عیال، خویش و اقارب کو دین و دنیا کی لازوال نعمتوں سے سرفراز فرمائے۔ آمین۔